Psa 1 | PON2006A | STEP | Meid pai aramas akan me kin soikala kaweid en aramas suwed kan, me sohte kin men kalemengih me dipan akan, de patehng irail akan me sohte kin wauneki Koht;

a 1.3 Ser. 17.8.

Psalms 1

Pai Mehlel

(Melkahka 1—41)

1 Meid pai aramas akan
me kin soikala kaweid en aramas suwed kan,
me sohte kin men kalemengih me dipan akan,
de patehng irail akan me sohte kin wauneki Koht;
2 ahpw re kin perenki peikiong Kosonned en KAUN-O,
oh medemedewe nan kapehdihr nin rahn oh nipwong.
3 Re rasehng tuhke kan limwahn pihl akan,
me kin materek nan rahk koaros,
oh tehrail kan sohte kin mengila.
Re kin pweida mwahu ni soahng koaros me re kin wia. ^a

4 Ahpw aramas suwed akan sohte mwahn kin duwehte;
re rasehng teh meng kan me kisinieng kin ipihpirseli.
5 Koht pahn ketin kaloke me dipan akan
oh re pahn katohrohrsang sapwellime aramas akan.
6 KAUN-O pahn ketin kaukaweid oh sinsile me pwung kan,
a aramas suwed akan pahn lekdekla kohkohlahte.